نشر بوساطة عادي الشمري في الرياض يوم 29 - 03 - 2024

كتبه للصفحة الشاعر حمد عبدالله الوايلي من حوطة سدير ويقول:
شهر فضيل وكلنا صوامه
يارب يارحمان تقبل منا
وكان هذا الصدى من الشعراء:
شهر علينا كلنا إكرامه
بالجود والمعروف في مأمنّا
يذكّر بوضع الفقير بعامه
وش لون كان وكيف كنّا حنّا
هنيّ من هو لاجل ربه صامه
والله عليه بْعيد فطره مَنّا
بالمغفرة من بعد حَسْن اسلامه
يا الله تبعد كل شر عنّا
محمد مقحم المقحم - الرياض
مبروك شهر الصوم جات ايامه
انشهد انا في قدومه تكتمل فرحتنا
ربي يعاونا على الصوم وعلى قيامه
و نقراء كتاب الله في ملتنا
كُل مسلم في شريعتنا عليه صيامه
في كتاب الله ربي نحمده علمنا
والصوم صحه للبد ن و اسقامه
وعلى نبي الله صلينا وله سلمنا
محمد عبدالله الشهري- جبل اثرب
ضيْفٍ كِريمٍ دَار او حَلَّت ايامِه
يالله وَفِّقْنا لِما يِرٌضِيه مِنَّا
رِكْنٍ فرَضْه الله وعَظَّم مِن مِقامِه
يالله بِصْيامه وِبِقْيامِه أعِنَّا
والعتق مِن نارك لِمِن صامه وقامِه
وعلى الجميع اِتْعِيد امْثالِه سِنِينا
سعود عائش الحربي - جدة
بيت الأسبوع
كتب بيت الاسبوع للصفحة الشاعر عبدالعزيز الصقيري من حايل ويقول:
ترى المفرط فرصته يستنيري
وانا بشيره عن وساويس واحزان
نستقبل صدى هذا البيت خلال أربعة أيام
من نشر البيت على إيميل الصفحة:
[email protected]

انقر هنا لقراءة الخبر من مصدره.